ხშირად ემინემს ვულკანს ადარებენ, რადგან როდესაც ის სცენაზეა, მისგან არანორმალური ენერგია მოდის. ემინემის კონცერტებზე ხალხის ტევა არ არის ხოლმე, რადგან მათ იციან, თუ რა სანახაობა ელით. ემინემის კონცერტებზე ამერიკაში ლეგენდები დადის. მას ძალიან ბევრი თაყვანისმცემელი ყავს, სუსტი სქესის წარმომადგენლებში, რაც ბევრისთვის შეიძლება მოულოდნელიც იყოს, რადგან ემინემი სიმღერის ტექსტებში ქალებს ხშირად აყენებს შეურაცხყოფას, მაგრამ ბევრ ქალს ემინემი ძალიან სექსუალურად მიაჩნია. ემინემის სიმღერებში ხშირია უწმაწური სიტყვები, რომლებიც ძირითადად ცისფერების მიმართ არის განკუთვნილი. რეპერი არც პოპვარსკვლავებს ინდობს და მათ მიმართაც საკმაოდ უხეშია და მკაცრია. განსაკუთრებით ეს ბრიტნი სპირსს ეხება. ბოლო წლებში ემინემმა მანერა შეცვალა და სხვებს შეურაცხყოფას აღარ აყენებს. ბოლო ალბომებში ემინემის სიმღერები მხოლოდ საკუთარ ცხოვრებაზეა და სხვა არაფერზე. მოსაყოლი კი ემინემს საკმაოდ ბევრი აქვს, რადგან მისი ცხოვრება ძალიან დრამატულად ვითარდებოდა. ემინემი, თავისი ნიჭის მიუხედავად, საკმაოდ დიდი ხნის მანძილზე ვერ აღწევდა წარმატებას. მისი პირველი ალბომი 1999 წელს გამოვიდა და მაშინვე უდიდესი პოპულარობა მოიპოვა. მიუხედავად იმისა, რომ ემინემს ბევრი აკრიტიკებდა, ყველა ერთხმად აღიარებდა მის საოცარ ნიჭს. ძალიან მალე ემინემი მსოფლიოში ყველაზე პოპულარული რეპერი გახდა. ემინემი დღესაც ძალიან პოპულარულია და მილიონობით ადამიანისთვის ის მსოფლიოში საუკეთესო რეპერია. გთავაზობთ ინტერვიუს ემინემთან.
|