გამოფენის Tokyo Motor Show 2011 ფარგლებში, რომელიც 3-დან 11 დეკემბერს ტოკიოში მიმდინარეობდა, კომპანიამ Kowa tmsuk ერთ- და ორადგილიანი კომპაქტური ელექტრომობილების პროტოტიპები წარმოადგინა. სიახლეები სახელად Kobot გაყიდვაში მომავალი წლის შემოდგომაზე გამოჩნდებიან.
წარმოდგენილ ექსპონატთა შორის – ორი ერთადგილიანი სამბორბლიანი მოდელია nu და beta, აგრეთვე ერთი ორადგილიანი ოთხბორბლიანი ელექტრომობილია სახელად pi. ერთადგილიან სიახლეებს მსგავსი ბაზური სტრუქტურა აქვთ, მაგრამ გარეგნულად განსხვავდებიან. მოდელი nu მაქსიმალურ 55 კმ/სთ სიჩქარეს ანვითარებს, უფრო კომპაქტური beta – 45 კმ/სთ და დატენვამდე 35 კმ-ს გავლა შეუძლია.
ელექტრომობილში pi ორი ადამიანი ეტევა. ძრავები თითოეულ ოთხ ბორბალშია ჩამონტაჟებული. სიახლის სიჩქარე არ ზუსტდება, მაგრამ ცნობილია, რომ ეს მოდელი დაახლოებით 100 კმ-ს გადის შემდგომ დატენვამდე.